الـجــــوازة بــاظــــــــــت

المدونـــة دي هتبقى عبارة عن حلقات..فيها الكوميدي والتراجيدي..والبطلة في بعض الحلقات.. هتكون شغاله .. فلاحة بسيطة.. لكن مايعجبهاش العجب
كبيرها فى اى بيت بتشتغل فيه..يومين...وبعدين...؟....؟...ياريت تتابعوها واعرف رأيكم لأنه يهمنى جدا

أسماء عبدالعزيز

الجمعة، 10 ديسمبر، 2010

حـــــوريــــه...








كانت حوريه زعلانه وحيرانه ...
فكرت تروح لجارتها

وصديقة عمرها غيرانة... وفعلا نيمت ولادها ونزلت خبطت على صاحبتها ..اللي كانت في الوقت دا لسه بتظبط بيتها  ..عشان زمان جوزها راجع من شغله
المهم

فتحت غيرانه الباب : اهلاً ازيك ياحوريه ..
حوريه بحزن : اهلاً يا غيرانه .. إلا قوليلي ليه سموكِ غيرانه ؟؟
غيرانه تضحك : انا عارفا!! المهم مالك مبوزه ليه
حصل ايه ؟

حوريه : مش عارفا ..احمد دايما مهموم وزعلان مش عارفا اعمله ايه ؟
غيرانه : مانتِ عارفه جوزك شاعر يعني حساس ومزاجي جدا
لازم توفري له الجو المناسب

حوريه تتنهد : اه والله بقاله كتييييير الوحي مخاصمه ومكتبش حاجه خالص لما هيتنقط

غيرانه: اسمعي جربي اعملي له ليله رومانسيه يمكن الوحي يصالحه

حوريه : رومانسيه !! تفتكري؟

غيرانه : اكيد الناس المُفكريين دول بيحبوا الهدوء والرومانسيه

حوريه : اجرب ... مع اني مره لاقيته داخل من بره بيغني ايها الراقدون تحت التراب .. 
قوموا شويه.. وارقصوا حواليا.. 
خدت الولاد وجريت على جوه .. آه .. قولت عشان عزرائل لما يجي..
ياخده هو ويسبني انا .. اربي العيال ياختي
هيه ناقصه راكدون


غيرانه تضحك : لالالالالالا المرادي الرومانسيه هتلعب دورها وبكره تقولي غيرانه قالت

ومشيت حوريه وهي مقررة تنفذ فكرة صاحبتها غيرانه (كالعادة) وقد كااااااااااااااااااان

تاني يوم الصبح راحت غيرانه لحوريه صاحبتها

حوريه: اهلا يا غيرانه يا حبيبتي
غيرانه: لااا عيني عليكي باردة... النهاردا احسن كتير من امبارح
ها طمنيني عملتوا ايه ؟

حوريه تبصلها وتضحك اوووووووووووووى
غيرانه : يابت قولي حصل ايه ؟ اظن الوحي جه على طول..ولاّ...

حوريه : بركاتك ياختي ..انا جهزت الشمعدان والسفره.. احلى اكل... ونيمت الولاد وشغلتله موسيقى تايتنك وطفيت النور ..واول ماجه من بره عينك ماتشوف الا النور ...

احمد يولع النور: ايه اللي انتي عاملاه دا يا حوريه
حوريه : جو رومانسي ياقلبي عشان الوحي يصالحك وتكتب حاجه حلوه

احمد طفى الشمع وقفل تايتنك وشغل أغنية أن شارب سِجارة بني...

وإتحزم ويرقص اوي.... ويقول لحوريه وهيه مستغربه اوي : ارقصي ياحوريه .. ارقصي ياحوريه

الوحي نام تحت النمليه

....
غيرانة تضحك اوي وحرية تبص لها بغيظ : انتِ بتضحكي دا مش طايق يبص في وشي

غيرانه: بس.. انا عرفتلك الطريقة اللي هتخليه يبقى تمام
وفعلا حورية كالعادة سمعت كلام جارتها 

ولما جه احمد من بره لقى البيت مقلوب والكراسي متشقلبه والحيطه كلها متلطشة بالنسكافية التقيل اكنها رسومات
استغرب أوي..ونادى بصوت عالى سمعته غيرانه ولزقت ودنها على الشباك تسمع هيعمل ايه
احمد:حورييييية

حورية لابسة لبس شبه لبس الأطفال: نعم يا حمادة
احمد فتح بؤة من الدهشة:ايه اللي انتِ عملاه في روحك دا ياحوريه ..

حوريه بتوتر :قولت اعملك جو يا حبيبي مختلف
احمد: وفين البزازة ياحورية 

حوريه باستغراب:بزازة

احمد:مانتِ خلتيني في حضانة .. ناقص البزازة 

حورية زعلت وفكت تسريحة الاطفال اللي عملاها في شعرها وعدلت الكراسي واحمد سابها ومشي..

وقعدت زعلانه وافتكرت انها لسة ماعملتش الأكل راحت بسرعة تسأل غيرانه في التليفون:اعمل ايه النهارده على الغدا .. اصل حورية مكانتش بتعرف تعمل اى حاجه من غير نصايح ورأي جارتها الغيرانة

وفيوم جه احمد وسألها : غيرانه طابخلنا ايه النهارده

حورية:غيرانه

احمد بتهكم:طبعا ..مانتِ بدل ماتسأليني.. نفسك تاكل ايه النهاردة 

..بتروحي تسأليها ..اطبخ ايه النهاردة 

حورية:انت مالك ومالها ؟ حاطت نقرك من نقرها ليه
دي صاحبتي وحبيبتي

أحمد: وبتسألي متغير ليه ؟.. خليكي وراها لما تخرب بيتك 
انا زهقت .. دي عيشة تقرف .. شكلى مش متجوزك انتِ أنا متجوزها هيا

راحت حورية وهي زعلانه عنذ غيرانة ..بعد مااحمد رزع الباب ومشي.. وتحكي وتشكي 

غيرانه: يالهوي ياحورية ..جوزك معدش بيحبك

حورية بانزعاج:يالهوي

غيرانه:اه طبعا .. وهيحبك ازاى وانتِ على طول حاضر ونعم ومعندكيش شخصية ..وزى الكنبة اللي في البيت .. لازم تتغيرى وتحركية وتنعنشية 

حورية:ازاى 

غيرانه: حسسيه بوجودك.. وخليه يغيير عليكِ

حورية: فهميني

غيرانة:خليه يحس  انه ولا همك.. وانك مش بتحبية.. والكلمة بكلمتها ردي علية ..ومش تسكتي له ..
شكله صنف نمرود
ولما يجى عندك رنيلى ارن عليكِ من رقم غريب ..
اكن حد بيعاكسك ..وبكدا يرجع الحب ينتعش جواة من الغيرة وشخصيتك القوية

؟

وفعلا حورية عملت بنصيحة غيرانة
وبدا احمد يشك فيها .. وانزعج من اسلوبها وردها عليه باستمرار.. وفي يوم حصلت خناقة كبيرة بينهم
واتهمها بانها بتخونه ..

وانفعل عليها جدا

احمد: انتِ بتروحي فين من ورايا..ومين اللي بيبعتلك الرسايل دي.. ومتغيرة وبتردي عليا وصوتك عالى  
 (بيضربها)

حورية ببكى: والله انا ماعملت حاجه.. و ماحدش بيبعتلى دي غيرانه اللي خلتنى اعمل كدا عشان تحبنى وحبي ينعنش في قلبك
احمد:ينعنش..!
طب انتِ طالق يا حورية ..
روحي باه للنعنوشة بتاعتك

راحت حورية وهى حزينة عند جارتها ..وكانت غيرانه مش مظبوطه
حورية: انا اطلقت
غيرانة مدايقة من وجودها ولا اكنها سامعه وراحه جاية وبتفكر

حورية:مالك فيكِ ايه؟

غيرانه:سعيد جوزى متغير اوى من ناحيتي

حورية بتهكم: ازاى يا شملولة وفين افكارك الجهنمية

غيرانة: افكار ايه انا ناقصاكِ 

ودخل سعيد جوز غيرانة وكان متعصب اوى..

سعيد يبص بقرف ل حورية: دي بتعمل ايه هنا

غيرانة بخوف شديد: جاية تزورني
(حورية خرجت بحزن وقفلت الباب وراها..وسندت على الباب من حزنها .. صوته في ودانها 

سعيد :هو انا مش قولت مابحبش تقعدى مع حد يلوكلوك فى ودانك 

غيرانه :لا ياحبيبي وانت فكرك ياعنى انا هاسمع كلام واحده تافهه زي دي ..

(تقرب منه وتقلعه الجاكت وتهدية ..اما حورية.. للأسف عرفت حقيقتها .. 
وافتكرت كلام جدتها اللي كانت دايما تقوله لها زمان: الست في بيتها مع جوزها .. زي القبر ومافيه.. محدش ابدا يعرف.. بيحصل فيه ايه !
واوعي تدى ودانك لغيرك
ياكل في خيرك
ويعصي عليكِ طيرك
ويدمر حياتك وتفكيرك

حورية ندمانة..
لكن بعد إيه

ايه

بعد ما

الجــــــوازة بـــــــــــاظت
 ....

هناك 60 تعليقًا:

  1. والله تسلمي على هذه القصه العبره بجد معظم الستات بيعملو كده والله
    اسلوبك جميل فعلا
    تحياتي لك

    ردحذف
  2. ههههههههههه

    ايه يا اسماء الجمال ده

    بجد قصة حلوة جدا

    وطبعا فيها عبرة جميلة انه لازم الواحد سرها في بيتها ميخرجش بره

    عجبني اوي الحتة دي
    ***************
    طب انتِ طالق يا حورية ..
    روحي باه للنعنوشة بتاعتك
    ***************

    هههههههههه تسلمي حبيبتي على قصصك الجميلة

    ردحذف
  3. هههههه وحيث لا ينفع الندم
    وهذه نهايه كل من يسلم اذنيه لكلام غير عقله
    مشكوره علي حكاياتك الجميله وفي انتظار مرورك المعطر بالياسمين

    ردحذف
  4. شهرذاد الجميلة
    الاروع هو مرورك عليها
    دمت بكل الخير حبيبتي واراح الله قلبك من كل شر
    دمت بكل الحب

    ردحذف
  5. حبيبة قلبي وداد
    وحشتيني ياقمرى .. يسلملى مرورك يسكر ومتابعتك
    كنت خايفه احسن ماتعجبكيش الحلقة
    اتمنى من الله ان يعطيكِ خير ماتتمنى ويديم السعاده على قلبك الجميل

    دمت بكل الحب

    ردحذف
  6. كارولين فاروق

    مرورك انار مدونتى ياقمري وبجد زرت مدونتك لاقيت نبض ولا اروع
    بجد دام ابداعك وتألقك حبيبتي
    كوني بخير

    ردحذف
  7. حكايه واقعيه ونهايتها متوقعه والمهم اللي يفهم لان نفس الغلطه بتتكرر كتير وبتهد بيوت كتير مين هيفهم جوزك احسن منك ومين هيعرف هو بيحب ايه وبيكره ايه ومين يعرف هو عمل ايه عشان يحكم عليه ويعرف الطريقه الاحسن لحل المشاكل معاه انا اخدت الموضوع جد شويه سامحيني بس ياريت نتعلم مش نقف ونبلم
    تقبلي تحياتي

    ردحذف
  8. اخي الكريم \ eng_semsem

    اولا اشكرك على المرور الكريم .. وبالفعل لابد من التعالم من اخطاء غيرنا ..واحيانا اخطائنا حينما نفعل اشياء ونرى انها غير مناسبه ولا تصلح فلابد الاقلاع عنها

    دمت بكل الخير

    ردحذف
  9. أسماء

    قصة واقعيه حصلت في بيوت كتير بس سردك لها بالأسلوب داه أكيد غير الأساليب التانيه (:

    تسلم إيدك

    ردحذف
  10. كلمات من نور الجميلة
    انرتى المدونه ياقمرى
    يسلملى مرورك وكلامك الرقيق
    دمت بكل الحب

    ردحذف
  11. الأخت الفاضلة :: اسماء عبدالعزيز ::
    أسعد الله أوقاتك بكل خير
    مرحبا بالكاتبة اسماء
    سعدت بتواجدي هنا
    وسعدت بقلمك وحرفك

    متألقة
    ومزيدًا من الإبداع

    أعطر التحايا :)

    ردحذف
  12. القصه جميله يا سمسم و الحكمه اللى طلعنا بيها فى الاخر احلى و احلى
    ربنا يهدينا كلنا و يبعد عننا المشاكل و خرابين البيوت

    تحياتى

    ردحذف
  13. اخي الفاضل \محمد سعد القويري
    اشكرك كثيرا على مرورك الكريم وكلامك الراقي
    دمت بكل الخير

    ردحذف
  14. حبيبة قلبي الجميلة \ صيدلانيه
    اولا انا سعيده جدا بمرورك فأنت قلم انا من معجبية
    ثانيا اشكرك على كلامك الرقيق ياعمري

    ياريت لو تتابعى مدونة امحيني عذرا لو بتحبي الرومانس
    بجد لها طابع خاص
    مافتش حلقات كتير بس بجد حابه انك تتابعيها واعرف رايك بجد ..

    دمت بكل الحب ياقلبي
    ربي يعطكِ ما تتمنى
    كونى بخير

    ردحذف
  15. ههههههههههههههه

    فعلاً والله له حق جوزها يطلقها

    حاجه تفرس اووووووى لما كل حاجه بينهم تستشير فيها غيرها كان هى معندهاش عقل

    بغض النظر عن فكرةان هو جوزها وان دى اسرار ماينفعش تتقال

    هى فين شخصيتها ؟

    وفعلاً هو متجوزها ولا متجوز صحبتها

    توبيك لذيذ اووى وهادف

    تحياتى

    (:

    ردحذف
  16. ههههههههههههههههه

    خلي غيرانه تنفعها

    تصدقي في امثال كتير من غيرانه دي في الواقع للاسف

    مشكوره يا سوسو على القصه ومشكوره يا حبيبتي لسؤالك عني في غيابي

    ردحذف
  17. حبيبة قلبي لولو الجميلة وحشتيني كتير ياقمرى
    بجد مدوناتى حزينه من غيرك وخاصه امنحيني عذرا
    كدا بردوا ندمانه انك تابعتيها
    للدرجادى حزنتى عليها .. انا عارفة
    بس انا زيك بردوا كانو بيقولولى تمثيل تمثيل
    ههههههههههه
    بس كنت بفضل زعلانه
    حبيبة قلبي الرواية دي بجد جميلة
    عارفة لو مكملتيش متابعه مش هنزل باقيها
    عارفة اخدت منى وقت كبير فى كتابتها والمشاعر اللى فيها ..واحساسها
    بجد خليكي ياقمر والجاى ان شاء الله هيعجبك
    سلم قلبك من الالم

    ردحذف
  18. حبيبة قلبي دعاء العطار
    اولا انرتى المدونه يسكر
    واسعد الله ايامك وادام عليكِ الابتسام
    فعلا دي مشكلة ..

    ممكن اكون متناولاها بعفوية شوية
    حابة يكون المدونه دمها خفيف

    وبنفس الوقت اتناول بعض المشاكل الزوجيه
    ربنا يستر وتظل
    كتاباتى تنال اعجابك ياقمرى
    كوني بكل الحب والخير

    ردحذف
  19. رائعه مدونتك وجميله حكمتك وبجد اسعدنى قراية القصه ويا ريت كل الزوجات تستفيد وتتعظ ودعواتك بقى نحصلهم علشان نتعظ برضو ههههههه

    ردحذف
  20. حبيبة قلبي نور شاهين
    اولا انرتى المدونه يسكر واشكرك على
    كلامك الرقيق
    ويارب يسكر يسعد قلبك وتحصليهم وتبقى احسن من الكل ياقمرى دايما وربنا يكفيكِ شر المشاكل الزوجيه
    دمتي بحب

    ردحذف
  21. هههههههههه
    شر البلية ما يضحك
    جميل جدا ما كتبتي
    تقبلي مروري
    تحياتي........

    ردحذف
  22. حبيت القصه لانه لها هدف ومغزى واضح ومهم..

    للاسف كثير من النساء تطبق مايقال لها حرفيا دون الاهتمام بمن قال النصيحه ومدى وعيه واهتمامه بمصلحتها..

    وشكر ع القصة..

    ردحذف
  23. مغزى جميل اووى فى قصتك لمثال شائع فى الحياةوفعلا فى الاخر اى طرف بيسلم ودنه لحد ويسمح له ان يتدخل فى حياته
    ويملى على تصرفاته بيتسبب فى خرباها
    سواء اجتماعيا اوشخصيا
    عجبنى مضمون قصتك
    دمتى بخير

    ردحذف
  24. برايد الجميلة
    انرتى المدونه ياقمرى
    دمت بكل الحب
    وتسلملى ابتسامتك الحلوه
    كونى بخير

    ردحذف
  25. حبيبة قلبي الجميلة رورو
    انرتى المدونه ياقمرى
    انا حبيت اقدم بالمدونه دي بعض المشاكل اللى بتواجه المتزوجين .. والتى نابعه من تصرفات خاطئه
    في اطار كومدي نوعا ما

    اتمنى انها دائما تنال اعجابك ياقمرى
    كونى بخير

    ردحذف
  26. ويسو الجميلة
    انرتى المدونه ياعمرى .. وارجو دائما ان ما اقدمه ينال القبول لديكم وان تكون النصيحه بمحلها
    نعم حبيبتي هذا حال كثيرين
    اعطاكِ الله خير ماتتمنى
    كونى بخير

    ردحذف
  27. السلام عليكم :)
    فعلا قصة حلوة وجميلة جدا :)

    إستمتعت بها :)

    ويا كثر الزن على الودان :(

    شكرا :)

    ردحذف
  28. السلام عليكم و رحمة الله و بركاته أخي الكريم المشرف على المدونة

    أن صاحب مدونة الأمل أردت أن أدعيك لزيارة مدونتي و ترك بصمتك فيها و الادلاء على رأيك فيها

    تقبل مني فائق الاحترام و التقدير

    ردحذف
  29. بصى هو الشخص الودنى يستاهل اى شىء يجراله

    بس الجوازة كده خربت مش باظت

    تسلم ايدك

    استمتعت جدا بحديثك

    تحياتى

    ردحذف
  30. لا حول ولا قوة الا بالله طب والله صعبت عليا يا اسما
    حاسة انها ضاعت من كله

    قصة جميييييييييله جدا

    ردحذف
  31. كوكتيل ..
    اشكرك كثيرا على المرور الكريم وكلامكم اراقي
    دمت بخير حال
    وسعيده انها نالت اعجابك

    ردحذف
  32. مدونة الامل
    اشكرك على المرور الكريم
    دمت بخير

    ردحذف
  33. momken
    اسعدنى مروركم كثيرا ..
    واشكركم على كلامكم الراقى
    فعلا الجوازة خربت
    دمتم بكل الخير

    ردحذف
  34. حبيبتي الجميلة ريماس
    انرتى المدونه ياقمرى
    ماهى تستاهل .. حد بردوا يخرج سر بيته برة وكمان يسمع نصايح بدوم مايحكم عقلة ؟

    مت بكل الحب ياقلبي

    ردحذف
  35. مدونه جميله وفكره المدونه حلوه اوي

    ردحذف
  36. داائما مشرقة


    المودة لكي


    ايتها الاديبة الرائعة

    ردحذف
  37. قلة خبرتنا بالحياة تجعلنا نسيتيقظ موخرا احيانا فهذا انسان يحلم ولاكن يستيقظ بعد ان ضاع حلمه واخر يــريد ان يجمع مالا ولاكن يستيقظ بعد ان عدى العمر وذاك يريد الزواج من حبيبته ولاكن يستيقظ بعد ان تكون مــتزوجه ومعها اطفال ــ ومن هذه الامثله كثير وكثير لا تستــيقظ الا متاخره ونحن ما نفعل هذا بانفسنا كلماتك مـــؤثره ومعبره احييكى عليها تقبلى مرورى وارجو ان اتــــشرف بمرورك بمدونتى المتواضعه اشكرك الاحــــــــــلام

    ردحذف
  38. صحيح كما قال ( احلام ) انها قله خبره تدفعنا الي اخطاء كان من الممكن تفاديها من البدايه

    سعيد بمروري علي مدونتك الرائعه و مكنونات قلمك الثري

    كما اني اتشرف مبعرفة حضرتك ايضا

    خاصة بعد ان قرأت التعريف بكِ

    اتمني ان نتبادل الزيارات خاصة بعد ان تشرفيني في مدونتي المتواضعه :) منا مش حزوركم و انت لأ ههه

    تحياتي

    ردحذف
  39. السيدة الفاضلةاسماء عبد العزيز كتبت تعليقا واختفى وانا الان اعيد كتابة تعليق آخر وساتابع باقىمدوناتك بعد ان علقت على(الجوازة باظت ) مجازا ذكرت ان معظم النساءيعملن اكثر من ذلك نتيجة افشاء الاسرار ولعلمك انا ونجلتى دكتورة جيهان وهى مدرسة بالمعهد العالى للفنون المسرحية قسم تمثيل واخراجنتامع معا اعمالك ومنتظرين مدونتك التى ازمعت نشرها ةالتى ستضم فيماتضم الكثير من الحوار والنثر والشعر شوقتينا ياست الاديبات

    ردحذف
  40. استاذتنا واستاذة الجميع الدكتورة اسماْء عبدالعزيز اولا لعلمك انا لى دكتورة زيك فى المعهد العالى للفنون السرحيةقسم التمثيل والاخراج هذا لمجرد التعارف --انا قرات قصتك الرائعة (الجوازة باظت) وفيها ارى ان كل الستات بتعمل كده واكتر من كده، نتيجة افشاء الاسرار وياتابعك

    ردحذف
  41. اخى الكريم المدفعجي
    يشرفني مروركم الكريم واشكرك على كلامكم الراقي
    دمت بخير

    ردحذف
  42. اخي الكريم حلم
    يشرفنى دائما مروركم الكريم كلماتكم الراقيه
    كل عام وانت بخير حال

    ردحذف
  43. اخي الكريم الأحلام
    اشكرك على مرورك الكريم وكلامك الصحيح
    فالحياه مليئة من امثال هؤلاء
    من يضيع في طيات الزمن والجرى وراء المادة
    ويفقد حبيب ومن يضيع حياته بسوء المعاملة وعدم الحفاظ على اسرار بيته ..
    لك جزيل الشكر
    كل عام وانت بخير

    ردحذف
  44. اخي الكريم المصوراتى
    يشرفني مروركم الكريم وكلامكم الراقي
    بالفعل هكذا هى الحياة
    آسفه فىي التاخير عن الرد
    ويشرفنى المرور بمدونتك
    كل عام وانت بخير

    ردحذف
  45. الاستاذ القدير فاروق فهمي
    اولا يشرفي مرور سيادتكم بمدونتى المتواضعه ويشرفنى التعارف عليكم وعلى نجلتكم الدكتورة الكريمة
    بالنسبه لمدونة الاشعار والنثر فهى بعنوان نسيت انساك وموجود بها بعض الخواطر والاشعار
    اما بالنسبة لجوازة باظت فهى اردت ان اقدم من خلالها بعض الاخطاء الزوجيه في اطار فكاهى .. وسيتم كتابه باقى الحلقات بامر الله

    اما بالنسبه للتعامل من خلال الانتاج فهو يسعدنى كثيرا فلدى اعمال كثيرة تصلح للسنيما واولهم رواية امنحينى عذرا ..بمدونة امنحينى عذرا.. وممكن ان تتطلع عليها واعرف رايكم بها ..
    كل عام وانتم بخير حال

    ردحذف
  46. اين انتى واين الجديد دمتى دائما متالقه تثبلى تحياتى الاحـــــــــــــــــــلام

    ردحذف
  47. لا معلش بقى
    الست بتحاول معاه بكل الطرق

    لعب مش نافع
    هدوء مش نافع
    اكل وشرب مش نافع

    رومانسيه مش نافع

    يبقى هو بقى اللى مش عاجبه العجب ولا الصيام فى رجب

    لو هو اللى قعد يتكلم معاها ويقولها على اللى فيه وعايز ايه ماكانتش لجات لحد تانى تساله وتشاوره فى امور بيتها

    مش غلطها لوحدها

    هما الاتنين غلطانين


    تحياتى

    ردحذف
  48. اخى الكريم الاحلام
    اشكرك كثيرا على السؤال
    قريبا ستكون الحلقه الجديده بامر الله
    ددمت بكل الخير

    ردحذف
  49. حبيبة قلبي سكرتيرة
    اولا نورتى المدونه
    ثانيا عندك حق من خلال وجهة نظرك فلا لابد يكون في حوار
    لكن بردا مش المفروض ندى ودانا لغيرنا ونحكم عقلنا بالنصايح اللى ممكن نسمعها وناخد اللى يفدنا ونرمى اللى ممكن يضرنا
    دمت بكل الحب

    ردحذف
  50. الي متى تظل المراة تقيس نجاحها و فشلها برضاه او سخطه ، نظرة تقدير من السيد ترفعها سابع سما و لحظة شرةد تقلب حياتتها اعقاب متتاليية ، هكخصيات انهزامية
    انهزامية محبوبتي تحترف المجون تعشق في ثورة تغضب في سكون انهزامية

    انهزامية محبوبتي مشكلة عضال
    اطاها بقدمي اشد الوثاق
    اسيل دما اضي
    ذا نحن ش ق الخناق
    تضعني على عرشها تمعن في العناق
    تبكي تصضرخ لا اطيق فراق
    لا اطيق فراق
    انهزامية لههاء حلوة المزاق
    امهزامية محبوبتي
    كجدتي و ابنتي
    و خالتي و عمتي
    و اسرتي و ضيعتي
    و بلدتي و امتي
    انهزامية
    و الله هذا النص الذي كتبته منذ فترة تذكرته و انا اقرا البوست
    اسياتي يوم تتحول فيه المراءة لتثور كما اخيرا بدات مصر تثور

    ردحذف
  51. طال غيابك يا اسماء
    اين الجديد ؟؟

    ردحذف
  52. عاجبك كده يانشراح ؟؟ اهى الجوازه بااااااااااظت
    امك بوظت الجوازه اهى
    تدوينه رائعه وربنا يوفقك

    ردحذف
  53. الأخت العزيزة / أسماء

    أسلوب قصصى أكثر من رائع ... أحييك عليه ... وأتوقع الكثير منك مستقبليا ... أسلوب سلس يتسم بروح الفكاهه ويعتمد أيضا على الصدمه والعبرة ... من الآخر 10/10 وهما دول أهل الشرقيه اللى أنا بأنتمى إليهم ... دمتى بكل الود ... أخيك / تامر

    ردحذف
  54. :‏)‏)) جميلة جدا تسلم ايدك

    ردحذف
  55. ويسو الجميلة
    اسفه جدا على الغياب ولكن عندى مشاكل بالنت وقرب الامتحانات
    فارجو المعذرة
    دمت بكل الود

    ردحذف
  56. اخى الكريم ياسو
    اشكرك كثيرا على المرور الكريم
    وكلامك الراقى
    دمت بود

    ردحذف
  57. اخى الكريم تامر
    اشكرك كثيرا على المرور الكريم وكلامكم الراقى
    دمت بكل الود

    ردحذف
  58. حبيبة قلبي كارمن
    وحشتينى ياقمرى
    اشكرك على المرور الجميل
    دمت بحب

    ردحذف
  59. ههههههههههه شر البلية ما يضحك حلوي كتير وواقعية

    ردحذف

يسعدني المرور

كثيرا

كونو بخير