الـجــــوازة بــاظــــــــــت

المدونـــة دي هتبقى عبارة عن حلقات..فيها الكوميدي والتراجيدي..والبطلة في بعض الحلقات.. هتكون شغاله .. فلاحة بسيطة.. لكن مايعجبهاش العجب
كبيرها فى اى بيت بتشتغل فيه..يومين...وبعدين...؟....؟...ياريت تتابعوها واعرف رأيكم لأنه يهمنى جدا

أسماء عبدالعزيز

الخميس، 2 ديسمبر 2010

اســنـــسـيـــــــر؟

احبائي الكرااااام 

السلام عليكم ورحة الله وبركاته 
طبعا المدونه دي 

هتبقى عبارة عن 
ايه 

ايه
أه افتكرت 

طبعا الجوازات اللي باظت 

يعني هحكي في كل مرة حكاية 
عن جوازة لم تكتمل لأسباب معينه 

و


زيجات فشلت مبكرا

يعني 

سقوط في اول سنه جواز 

تانى 

تالت 

انتو وحظكو بأه 


الحلقات 

دي

ممكن تكون كومدي
او تراجدي

او 
او 

وكمان هتكون معانا صاحبتنا الجديدة 

في بعض الحلقات 

الخدامة الشملوله 

سعدية

صاحبة الايد الخفية 

في 

في
؟؟

المهم 

ارجو ان تنال اعجابكم 

ردار الخيال دا بيجيب حاجات غريبه 
الله يستر

هاسيبكم مع اول الحلقات 

وهي

أسنسير ..

( بلهجة أهل الريف)


محمدين متجوز بقاله 5 شهور وبيحب عروسته جدااا وهي بتموت فيه ( آل يعني)...وكان اسمها سعديه.... 

وبتغير عليه اوى من جارتهم نبويه

اصلها بت حلوه بس بتقول عليها مفتريه

وفي يوم سعديه قاعده مع صاحبتها نبويه

سعديه من غير نفس : إزيك ياللي تِنشكي

نبويه مش عاجبها الكلام : أهلا يا منحوسه ياختي

سعديه : منحوسة! ماتلمي لسانك يابت

نبويه : إسكتي يا سعديه دانا امبارح كنت هاموت

قعدت معايا حماتي وصاحبتها ويحكوا عن الميتين والمقابر وعذاب القبر وانا جتتي إتلبشت

سعديه تضحك: انا عارفا عزرائل ناسيكي وسايبك ليه؟

نبويه : ضربه فى قلبك ... يابت انا بتكلم بجد

انا نمت من هنا والكوابيس مسكتني .. واحلم بالعفاريت .. 

وانا نايمه بتقلب لاقيت حاجه طريه تحت رجلى ..

وانا نايمه فى السرير لوحدي ..

إتفزعت قمت بسرعه ..

لاقيت واحده منكوشه فوشي..  فضلت اصرخ واصرخ ...
فكرت روحي مُت ودخلت جهنم

سعديه تضحك: يوه .. ماطلعتش جهنم ... أمال طلعت إيه؟

نبويه : طلعت أخت جوزي الله يخرب بيته نايمه تحت رجلي

سعديه : يوه .. مالقتش الا تحت رجلك وتنام ..

مش رمتك على الارض ليه.. ونامت هيه...

نبويه تضربها : رميه اما تاخدك .. انا ترميني على الارض ياللى مش بتفهمي..

سعديه : بصراحه ياأنبوبه ياختي انا مش بحبك لله في لله من غير اى حاجه

نبويه : انبوبه اما تفرقع فيكي يا بعيده ...انشالله ماحبيتي .. دانتى وشكك يقطع الخميره من البيت

سعديه : انتى زعلتي يا نبويه .. انا بضحك معاكي

اصلى بصراحه بغير على محمدين منك

نبويه بتهكم: بتغيرى على مين ؟

ياشيخه دانا أحطلك عليه فلوس ... دا حد يبصله... بلا خيبه

سعديه : ضربه في لسانك ... دا سيد الرجاله ..

احنا النهاردا نازلين على مصر .. 

هنروح نزور أخته وكمان يوديني السيما ...

نبويه بحقد : ربنا يهني تعيس بتعيسه

(قامت نبويه وهى النار بتاكلها وراحت على بيتها لقت حسنين جوزها قاعد قدام التليفزيون)

نبويه : هو انت مش وراك غيره

حسنين : كنت لاقيت وقولت لا

نبويه : لاقيت إيه؟  إنت مش بتشوف يا راجل ؟

حسنين : مش شايفه النضاره اللى لابسها

نبويه تقرب منه : طب حتى شم يمكن تفهم

حسنين : منين الريحه دي

نبويه بفرحه : عجبتك

حسنين : عامله زي ريحة الميتين

نبويه بضيق : اهو إنت يا بعيد .. منك لله البت رايحه مصر وانا هنا فى الهم للرُكب ..

حسنين : بت مين؟  إنتي شفتي سعديه النهاردا ؟

نبويه بمكر : واشمعنى سعديه

حسنين يتأفف

نبويه دخلت اوضتها وهيه قرفانه وتمتم : قليل البخت ...؟


اما سعديه لبست واتهندمت ومشيت مع محمدين وهي فرحانه وايدها بإيده ومبسوطه وركبوا القطر وطول الطريق يحب فيها ...

لحد ماوصلوا العماره اللى اخته ساكنه فيها

سعديه :الله يا محمدين دي كبيره وحلوه قوي

محمدين : قولى اللهم صلى على النبي

سعديه: اللهم ما صلي على النبي...(محمدين وقف قدام الاسنسير )

سعديه باستغراب : أيه ديه .. هي اختك ساكنه فى العلبه دي

محمدين يضحك : دا اسنسير بيطلع فوق بدل السلم

سعديه يالهوي يالهوي .... أخاف منه يا محمدين

محمدين :لا مش تخافي

سعديه بدلع : أنكسف من الناس

محمدين : بطلي دلع ياوليه

(ودخلوا الأسنسير وبدا يطلع بيهم وهى مستغربه اوى وخايفه وهو واخدها فحضنه يطمنها عشان مش تخاف 


سعديه ترتعش : محمدين ... افرض البتاع ده باظ هنعمل ايه

محمدين يبوظ ايه بس ياشيخه (وفجأه الاسنسير وقف واتلخبط محمدين وسعديه تسأله : في ايه

محمدين : نَبرتي فيها يا وش الفقر .. اهو وقف

سعديه تلطم : يالهوى يعنى ايه هنموت هنا

محمدين: استني بس (بيحاول يشغله ويضغط على الزراير وسعديه قعدت تعيط وقعدت فى الارض )

محمدين : بطلي بأه

سعديه : انا هعترفلك بحاجه عشان لو مُت ابقى خلاصنه من ذنبك 

(نزل جنبها محمدين وباهتمام .. في إيه 
؟
؟


سعديه ببكى : أنا حامل 


محمدين بفرحه : صحيح حامل

سعديه : انت فرحان كدا ليه ؟

.... ماهى المصيبه انى مش عارفا إذا كان منك ولاّ من حسنين
(في اللحظه دي اشتغل الاسنسير اللعين ووصل للدور الأخير مع صوت القلم اللي نزل على وشها من محمدين وقالها إنتي طاااااااااااااااالق
والجواااااااااازة 
ايه

باظـــــــــــــــــــت








   

هناك 22 تعليقًا:

  1. بجد يارب تعجبكوا المدونه دي وحلقاتها هي مود مختلف شويه عن كتاباتي
    الله يستر

    ردحذف
  2. ههههههههههههههه

    الله يسامحك يا اسماء

    مش قادره امسك نفسي من كتر الضحك

    والله انتي عسل والحلقات رووووعه ومضحكه اوي

    عجبتني اوي الجمله دي


    بصراحه ياأنبوبه ياختي انا مش بحبك لله في لله من غير اى حاجه


    هههههههههههههههه

    اول مره اضحك على حاجه كده

    بس البت سعديه دي طلعت مشكله تستاهل الطلاق

    الف مبروك يا سوسو على المدونه

    ولازم تعرفي غلاوتك زادت عندي لان زي ما انتي عارفه بموت في القصص



    على فكره يا سوسو

    دي روابط البسبوسه


    http://walaalolo.blogspot.com/2010/08/blog-post_6638.html


    http://walaalolo.blogspot.com/2010/09/blog-post_1375.html



    وانا عندي ملف كامل لعمل البسبوسه

    لو تحبي ابعتهالك قوليلي ازاي

    ردحذف
  3. فكرة المدونة حلوة
    علي الاقل نتعلم منها

    محمد عامر
    isismylove.blogspot.com

    ردحذف
  4. ههههههههههههه

    وجون وجون وجون

    ايه العسل ده

    بجد حلقة جميلة جدا يا سمسمه

    البت انبوبة دي غلاوية اوي كده ليه

    بس الشهادة لله البت التانية اسمها ايه دي

    استني اطلع اشوف اسمها

    ايوة ايوة سعدية صريحة وواقعتها منيله

    هههههههههه

    مبروووووووووووووك على مدونتك الجديدة

    وإن شاء الله تحقق نجاح زي مدونتك " امنحيني عذراً"

    لأنك فنانه بجد وموهوبة جدا

    ربنا يحميكي يا سمسمه

    متابعة معاكِ طبعا

    بس ياريت تعملي بوست جديد في مدونتك " امنحيني عذراً " تعرفي الجميع بمدونتك الجديدة دي

    بالتوفيق يا سمسمه

    معلشي طولت عليكي

    المرة جاية هقول رأيي بالحلقة واخرج على طوووووووول

    مع السلامة بقى

    ياااااااااه دا انتي رغايه اوي

    ردحذف
  5. الدكتورة الجميله الغاليه على قلبي
    لولو حبيبتي
    ازيك ياقمر
    والله منوره هنا
    تعرفي انى كنت هأجلها لبعد الاختبارات
    ولكن لما لاقيتك في المتابعين
    قولت خلاص انزلها عشانك ياقمرى
    بجد تسلميلي ودوما الابتسامه ياقمرى

    انا رحت للبسبوسه والحمد لله
    عرفت الطريقه هجربها
    وبعدين اقولك على النتيجه
    وان ماقولتلكيش اكيد هتعرفي
    بردوا
    اقرا الحادثة
    ههههههههه

    كوني بخير ياعمري

    ردحذف
  6. الاستاذ محمد عامر
    اشكرك على المرور الكريم وكلامك الراقي
    دمت بكل الخير

    ردحذف
  7. حبيبة قلبي وياسمينة المدونه وداد
    وحشتيني ياقمر

    بجد تسلميلي ويسلملى زوقك ياعمرى
    واتمنى ان يديم الله عليك السعاده دايما تبتسمي يسكر
    والله بجد فكره مشكوره عليها ياقمرى
    هعملها
    بعد الجلقه الجديده اللي نزلتها النهاردة

    بس انصحك تسمعى الفيدوكليب قبل ماتقرى
    او وانتى بتقرى
    او اى حاجه
    المهم
    يارب تعجبك يسكر
    كوني بخير حبيبتي

    ردحذف
  8. السلام عليكم و رحمة الله و بركاته كيف الحال اخواني أخواتي الأعزاء

    مني اليك تحية عطرة

    سلام تقبلي مروري

    ردحذف
  9. ههههههههههههه
    اخص على كده
    ومفسحها ومظبطها
    ونبوية الغلبانة قاعدة فى البيت مع حسنين ابو عين زايغة
    خسأت سعدية دى
    ههههههههه
    تسلم ايدك يا قمر

    ردحذف
  10. تحية عطرة معطرة
    Attention Please >>>>
    المعذرة .. هذا تعليق خارج النص ..
    دعوة للمشاركة في
    مشروع مقروءاتي الثالث
    للمشاركة ولمزيد من التفاصيل .. هنا
    http://qweary555.blogspot.com/2010/12/1431.html
    ــــــــــــــــــــــــ
    وإن شاء الله تكون هذي بداية سلسلة من الزيارات

    ردحذف
  11. مدونة الأمل
    شكرا كثيرا على مرورك الجميل
    دمت بكل الخير

    ردحذف
  12. حاجات جوايا الجميلة
    انتي المدونه ياقمرى
    انا سعيده انها نالت اعجابك
    دمت بكل الحب

    ردحذف
  13. الاخ الكريم محمد سعد
    اشكرك على مرورك الكريم وان شاء الله سوف ازور مشروعك المميز
    دمت بخير

    ردحذف
  14. اخي الكريم يوميات شحات
    اشكرك كثيرا على المرور الكريم
    دمت بكل الخير

    ردحذف
  15. تسمحيلي ابدي اعجابي بمدونتك واقول انك تتمتعيين بخفه الظل في اسلوبك تاره وبتأليفك للقصه تاره اخري وارجوا او اكون ضيفه خفيفه وانا في انتظار ان ابتسم مره اخري في المدونه الجديده

    ردحذف
  16. هههههههه
    مدونة خفيفة على القلب راقني اسلوبك الهزلي والكلام الرائع
    ساكون متتبعة هنا دوما
    ان شاء الله

    ردحذف
  17. كارولين فاروق الجميلة
    اولا انرتى المدونه ياقلبي
    ثانيا يسلملى زوقك ورقة كلامك ياقمر
    سعيده كتير انها نالت اعجابك
    كونى بخير حبيبتي

    ردحذف
  18. حلم الجميلة وحشتينى ياقمرى
    سعيده اوى بابتسامتك
    ويسعدنى اكتر تواجدك
    كوني بخير دائما

    ردحذف
  19. هههههههههههههههه قصة جناان ابدعتي يا عمري

    تقبلي مروري .. وبنتظار تشريفك لي

    اختك سارا العمري

    ردحذف
  20. اسعدنى تواجدى فى مدونتك

    واتمنى تشريف مدونتى بتواجدك وابداء رأيك

    مع تحياتى

    ردحذف
  21. قصه راائعه

    سلمت يداك
    مع خالص تحياتى
    عزمى

    ردحذف

يسعدني المرور

كثيرا

كونو بخير