احبائي الكرااااام
السلام عليكم ورحة الله وبركاته
طبعا المدونه دي
هتبقى عبارة عن
ايه
ايه
أه افتكرت
طبعا الجوازات اللي باظت
يعني هحكي في كل مرة حكاية
عن جوازة لم تكتمل لأسباب معينه
و
زيجات فشلت مبكرا
يعني
سقوط في اول سنه جواز
تانى
تالت
انتو وحظكو بأه
تانى
تالت
انتو وحظكو بأه
الحلقات
دي
ممكن تكون كومدي
او تراجدي
او
او
وكمان هتكون معانا صاحبتنا الجديدة
في بعض الحلقات
الخدامة الشملوله
سعدية
صاحبة الايد الخفية
في
في
؟؟
المهم
ارجو ان تنال اعجابكم
ردار الخيال دا بيجيب حاجات غريبه
الله يستر
هاسيبكم مع اول الحلقات
وهي
أسنسير ..
( بلهجة أهل الريف)
محمدين متجوز بقاله 5 شهور وبيحب عروسته جدااا وهي بتموت فيه ( آل يعني)...وكان اسمها سعديه....
وبتغير عليه اوى من جارتهم نبويه
اصلها بت حلوه بس بتقول عليها مفتريه
وفي يوم سعديه قاعده مع صاحبتها نبويه
سعديه من غير نفس : إزيك ياللي تِنشكي
نبويه مش عاجبها الكلام : أهلا يا منحوسه ياختي
سعديه : منحوسة! ماتلمي لسانك يابت
نبويه : إسكتي يا سعديه دانا امبارح كنت هاموت
قعدت معايا حماتي وصاحبتها ويحكوا عن الميتين والمقابر وعذاب القبر وانا جتتي إتلبشت
سعديه تضحك: انا عارفا عزرائل ناسيكي وسايبك ليه؟
نبويه : ضربه فى قلبك ... يابت انا بتكلم بجد
انا نمت من هنا والكوابيس مسكتني .. واحلم بالعفاريت ..
وانا نايمه بتقلب لاقيت حاجه طريه تحت رجلى ..
وانا نايمه فى السرير لوحدي ..
إتفزعت قمت بسرعه ..
لاقيت واحده منكوشه فوشي.. فضلت اصرخ واصرخ ...
فكرت روحي مُت ودخلت جهنم
سعديه تضحك: يوه .. ماطلعتش جهنم ... أمال طلعت إيه؟
نبويه : طلعت أخت جوزي الله يخرب بيته نايمه تحت رجلي
سعديه : يوه .. مالقتش الا تحت رجلك وتنام ..
مش رمتك على الارض ليه.. ونامت هيه...
نبويه تضربها : رميه اما تاخدك .. انا ترميني على الارض ياللى مش بتفهمي..
سعديه : بصراحه ياأنبوبه ياختي انا مش بحبك لله في لله من غير اى حاجه
نبويه : انبوبه اما تفرقع فيكي يا بعيده ...انشالله ماحبيتي .. دانتى وشكك يقطع الخميره من البيت
سعديه : انتى زعلتي يا نبويه .. انا بضحك معاكي
اصلى بصراحه بغير على محمدين منك
نبويه بتهكم: بتغيرى على مين ؟
ياشيخه دانا أحطلك عليه فلوس ... دا حد يبصله... بلا خيبه
سعديه : ضربه في لسانك ... دا سيد الرجاله ..
احنا النهاردا نازلين على مصر ..
سعديه : ضربه في لسانك ... دا سيد الرجاله ..
احنا النهاردا نازلين على مصر ..
هنروح نزور أخته وكمان يوديني السيما ...
نبويه بحقد : ربنا يهني تعيس بتعيسه
(قامت نبويه وهى النار بتاكلها وراحت على بيتها لقت حسنين جوزها قاعد قدام التليفزيون)
نبويه : هو انت مش وراك غيره
حسنين : كنت لاقيت وقولت لا
نبويه : لاقيت إيه؟ إنت مش بتشوف يا راجل ؟
حسنين : مش شايفه النضاره اللى لابسها
نبويه تقرب منه : طب حتى شم يمكن تفهم
حسنين : منين الريحه دي
نبويه بفرحه : عجبتك
حسنين : عامله زي ريحة الميتين
نبويه بضيق : اهو إنت يا بعيد .. منك لله البت رايحه مصر وانا هنا فى الهم للرُكب ..
حسنين : بت مين؟ إنتي شفتي سعديه النهاردا ؟
نبويه بمكر : واشمعنى سعديه
حسنين يتأفف
نبويه : هو انت مش وراك غيره
حسنين : كنت لاقيت وقولت لا
نبويه : لاقيت إيه؟ إنت مش بتشوف يا راجل ؟
حسنين : مش شايفه النضاره اللى لابسها
نبويه تقرب منه : طب حتى شم يمكن تفهم
حسنين : منين الريحه دي
نبويه بفرحه : عجبتك
حسنين : عامله زي ريحة الميتين
نبويه بضيق : اهو إنت يا بعيد .. منك لله البت رايحه مصر وانا هنا فى الهم للرُكب ..
حسنين : بت مين؟ إنتي شفتي سعديه النهاردا ؟
نبويه بمكر : واشمعنى سعديه
حسنين يتأفف
نبويه دخلت اوضتها وهيه قرفانه وتمتم : قليل البخت ...؟
اما سعديه لبست واتهندمت ومشيت مع محمدين وهي فرحانه وايدها بإيده ومبسوطه وركبوا القطر وطول الطريق يحب فيها ...
لحد ماوصلوا العماره اللى اخته ساكنه فيها
سعديه :الله يا محمدين دي كبيره وحلوه قوي
محمدين : قولى اللهم صلى على النبي
سعديه: اللهم ما صلي على النبي...(محمدين وقف قدام الاسنسير )
سعديه باستغراب : أيه ديه .. هي اختك ساكنه فى العلبه دي
محمدين يضحك : دا اسنسير بيطلع فوق بدل السلم
سعديه يالهوي يالهوي .... أخاف منه يا محمدين
محمدين :لا مش تخافي
سعديه بدلع : أنكسف من الناس
محمدين : بطلي دلع ياوليه
(ودخلوا الأسنسير وبدا يطلع بيهم وهى مستغربه اوى وخايفه وهو واخدها فحضنه يطمنها عشان مش تخاف
سعديه ترتعش : محمدين ... افرض البتاع ده باظ هنعمل ايه
محمدين يبوظ ايه بس ياشيخه (وفجأه الاسنسير وقف واتلخبط محمدين وسعديه تسأله : في ايه
محمدين : نَبرتي فيها يا وش الفقر .. اهو وقف
سعديه تلطم : يالهوى يعنى ايه هنموت هنا
محمدين: استني بس (بيحاول يشغله ويضغط على الزراير وسعديه قعدت تعيط وقعدت فى الارض )
محمدين : بطلي بأه
سعديه : انا هعترفلك بحاجه عشان لو مُت ابقى خلاصنه من ذنبك
(نزل جنبها محمدين وباهتمام .. في إيه
؟
؟
سعديه ببكى : أنا حامل
محمدين بفرحه : صحيح حامل
سعديه : انت فرحان كدا ليه ؟
.... ماهى المصيبه انى مش عارفا إذا كان منك ولاّ من حسنين
(في اللحظه دي اشتغل الاسنسير اللعين ووصل للدور الأخير مع صوت القلم اللي نزل على وشها من محمدين وقالها إنتي طاااااااااااااااالق
والجواااااااااازة
ايه
باظـــــــــــــــــــت
بجد يارب تعجبكوا المدونه دي وحلقاتها هي مود مختلف شويه عن كتاباتي
ردحذفالله يستر
ههههههههههههههه
ردحذفالله يسامحك يا اسماء
مش قادره امسك نفسي من كتر الضحك
والله انتي عسل والحلقات رووووعه ومضحكه اوي
عجبتني اوي الجمله دي
بصراحه ياأنبوبه ياختي انا مش بحبك لله في لله من غير اى حاجه
هههههههههههههههه
اول مره اضحك على حاجه كده
بس البت سعديه دي طلعت مشكله تستاهل الطلاق
الف مبروك يا سوسو على المدونه
ولازم تعرفي غلاوتك زادت عندي لان زي ما انتي عارفه بموت في القصص
على فكره يا سوسو
دي روابط البسبوسه
http://walaalolo.blogspot.com/2010/08/blog-post_6638.html
http://walaalolo.blogspot.com/2010/09/blog-post_1375.html
وانا عندي ملف كامل لعمل البسبوسه
لو تحبي ابعتهالك قوليلي ازاي
فكرة المدونة حلوة
ردحذفعلي الاقل نتعلم منها
محمد عامر
isismylove.blogspot.com
ههههههههههههه
ردحذفوجون وجون وجون
ايه العسل ده
بجد حلقة جميلة جدا يا سمسمه
البت انبوبة دي غلاوية اوي كده ليه
بس الشهادة لله البت التانية اسمها ايه دي
استني اطلع اشوف اسمها
ايوة ايوة سعدية صريحة وواقعتها منيله
هههههههههه
مبروووووووووووووك على مدونتك الجديدة
وإن شاء الله تحقق نجاح زي مدونتك " امنحيني عذراً"
لأنك فنانه بجد وموهوبة جدا
ربنا يحميكي يا سمسمه
متابعة معاكِ طبعا
بس ياريت تعملي بوست جديد في مدونتك " امنحيني عذراً " تعرفي الجميع بمدونتك الجديدة دي
بالتوفيق يا سمسمه
معلشي طولت عليكي
المرة جاية هقول رأيي بالحلقة واخرج على طوووووووول
مع السلامة بقى
ياااااااااه دا انتي رغايه اوي
الدكتورة الجميله الغاليه على قلبي
ردحذفلولو حبيبتي
ازيك ياقمر
والله منوره هنا
تعرفي انى كنت هأجلها لبعد الاختبارات
ولكن لما لاقيتك في المتابعين
قولت خلاص انزلها عشانك ياقمرى
بجد تسلميلي ودوما الابتسامه ياقمرى
انا رحت للبسبوسه والحمد لله
عرفت الطريقه هجربها
وبعدين اقولك على النتيجه
وان ماقولتلكيش اكيد هتعرفي
بردوا
اقرا الحادثة
ههههههههه
كوني بخير ياعمري
الاستاذ محمد عامر
ردحذفاشكرك على المرور الكريم وكلامك الراقي
دمت بكل الخير
حبيبة قلبي وياسمينة المدونه وداد
ردحذفوحشتيني ياقمر
بجد تسلميلي ويسلملى زوقك ياعمرى
واتمنى ان يديم الله عليك السعاده دايما تبتسمي يسكر
والله بجد فكره مشكوره عليها ياقمرى
هعملها
بعد الجلقه الجديده اللي نزلتها النهاردة
بس انصحك تسمعى الفيدوكليب قبل ماتقرى
او وانتى بتقرى
او اى حاجه
المهم
يارب تعجبك يسكر
كوني بخير حبيبتي
السلام عليكم و رحمة الله و بركاته كيف الحال اخواني أخواتي الأعزاء
ردحذفمني اليك تحية عطرة
سلام تقبلي مروري
ههههههههههههه
ردحذفاخص على كده
ومفسحها ومظبطها
ونبوية الغلبانة قاعدة فى البيت مع حسنين ابو عين زايغة
خسأت سعدية دى
ههههههههه
تسلم ايدك يا قمر
تحية عطرة معطرة
ردحذفAttention Please >>>>
المعذرة .. هذا تعليق خارج النص ..
دعوة للمشاركة في
مشروع مقروءاتي الثالث
للمشاركة ولمزيد من التفاصيل .. هنا
http://qweary555.blogspot.com/2010/12/1431.html
ــــــــــــــــــــــــ
وإن شاء الله تكون هذي بداية سلسلة من الزيارات
شكرا يا أسماء
ردحذفمدونة الأمل
ردحذفشكرا كثيرا على مرورك الجميل
دمت بكل الخير
حاجات جوايا الجميلة
ردحذفانتي المدونه ياقمرى
انا سعيده انها نالت اعجابك
دمت بكل الحب
الاخ الكريم محمد سعد
ردحذفاشكرك على مرورك الكريم وان شاء الله سوف ازور مشروعك المميز
دمت بخير
اخي الكريم يوميات شحات
ردحذفاشكرك كثيرا على المرور الكريم
دمت بكل الخير
تسمحيلي ابدي اعجابي بمدونتك واقول انك تتمتعيين بخفه الظل في اسلوبك تاره وبتأليفك للقصه تاره اخري وارجوا او اكون ضيفه خفيفه وانا في انتظار ان ابتسم مره اخري في المدونه الجديده
ردحذفهههههههه
ردحذفمدونة خفيفة على القلب راقني اسلوبك الهزلي والكلام الرائع
ساكون متتبعة هنا دوما
ان شاء الله
كارولين فاروق الجميلة
ردحذفاولا انرتى المدونه ياقلبي
ثانيا يسلملى زوقك ورقة كلامك ياقمر
سعيده كتير انها نالت اعجابك
كونى بخير حبيبتي
حلم الجميلة وحشتينى ياقمرى
ردحذفسعيده اوى بابتسامتك
ويسعدنى اكتر تواجدك
كوني بخير دائما
هههههههههههههههه قصة جناان ابدعتي يا عمري
ردحذفتقبلي مروري .. وبنتظار تشريفك لي
اختك سارا العمري
اسعدنى تواجدى فى مدونتك
ردحذفواتمنى تشريف مدونتى بتواجدك وابداء رأيك
مع تحياتى
قصه راائعه
ردحذفسلمت يداك
مع خالص تحياتى
عزمى